به گزارش خبرگزاری بسیج از بیله سوار، شعر برق و گاز حکایه سی را در ادامه بخوانید؛
اصولی لن گورر بیر ایش گورنده
مداوم بیزله مز حیوان سورن ده
دونن بیر ائو گئجه قالدی قارانلیق
اداره مامورو ائیلیر دی شاهلیق
دئدیم قارداش نه داد فریاد سالیبسان
قارا قارقا تکی تیرده یاتیبسان
بش اون مین خطرینه کسمه ایشیق سن
جواب وئر مه لی سن بیر گون رفیق سن
دئدی قارداش منه دستور وئرن وار
کاناردان ایزلئیب وینوخ سالان وار
دئدیم قویما قارانلیقدا کچیندیر
دئدی اون مین تومن وصلی منیم دیر
او حالدا صاحیب خانه یئتیشدی
او سیم بانلا محبت له گوروشدی
دئدی قارداش منی بو آی کچیندیر
مهندیس یولداشی سن تیردن ایندیر
منیم احوالیمی سن کی گورورسن
نجور رحمین گلییر نورو کسیرسن
اداره مامورو سسین اوجالتدی
اوصاحیب خانه نین قانین قارا لتدی
اوحالدا آبی بیر نیسان یئتیشدی
اودا ماموری گازعالم قاریشدی
اوصاحیب خانه نین قلبی دایاندی
حکیم گلدی یوز اون بشدن اویاندی
حکیم بیر سوز دئدی سیم بان اوتاندی
اوسیم بان تازه غفلتدن اویاندی
سنه قدرت وئریبلر برقی سوندیر
یا صاحیب خانه نین قلبین دایاندیر
درآمد خطرینه ایشیق کسیلدی
اوگاز مامورو گوز یومدو اکیلدی
یاخینلاشدیم کیشی بوورجون نئچه یدی
دئدی اون مین تومن وقتی کئچه یدی
اولوم اولسون بئله بیر روزگاره
چکیم من بو وجودی چوب داره
بیرآه چکدی گوزوندن یاش الندی
منیم یکسر وجودیم سیلکئلندی
باشیمدان چیخدی توسدو پرده پرده
او گوندن خسته لندیم من بو درده
دئدیم قارداش اوره گدن بیر دعا ائت
دئدی یوخدو دوزه چاره خطا ائت
نه میللت ایسته ییر ماشین نه لوتگه)
نه سایسیز دردلره لازیمدی چورتگه)
ادیسون قارداشین قبرینه رحمت
ادیب دونیایه کشفیله اوخدمت
بشر بو برقیدن مین ایش یارادسین
گئله جک نسلینین باشین اوجادسین
نینکه برقیدن بیر بانک تیکسین
یازیق مردوم جیبین هر آی سوکسین
اونون روحی چکیر هر گون شکنجه
کاسیب قالدی قارانلیقدا بوگئجه
هایاندا یاتمسان دولتی تدبیر
بو درده چاره قیل آقای وزیر
دییک قبروی نوریاغسین ادیسون
یازیب حکمت بو شعری تا اوخونسون
شعر از محمدعلی حکمتی
