«انسانليق عالمي»
به گزارش خبرگزاری بسیج از کوثر:
>انسانليق عالمي<
هي گزورم انسانليق عالمين
دوزجه بير انساني تاپا بيلمورم
اووچي تك يؤخلورام دره ني- دوزي
گوزل بير جیرانی تاپا بيلمورم
بودونياداانسانليقدان خبر يوخ
انسانليقي زندان ايچره گورورم
شيطان قازيب انسانلارين كوكوني
بوتون كفري، ايمان ايچره گورورم
آي يولداشلار انسانليقدان نه خبر
هاردا قاليب انسانليقين زميسي
آتديلار دنيزه بوغولدي انسان
غرق اولوبدور انسانليق گمي سي
بوغما بو انساني ياندير ما كوكون
خلق اولونموش ايچره اشرفدورانسان
الله كلامي دور نه شاعير سوزي
انسانا دشمن دي ازلدن شيطان
اودوركي آزديرور يولوندان سني
گوزل قارداشووا غبطه ايدي سن
حقون قاپوسيني هيچ بير آچموسان
دوزيول عوضينه ايري گيدي سن
دوز يارادوب خالق سبحان سني
دوزلوكده باخ چوخ صفالار گوروسن
ايري يولون دوره سينه دولانما
ايريليكدن چوخ بلالار گوروسن
تاريخ
بويي دوز انسانلار گليب لر
حقيقت دن دانيشديلار گئتدیلر
اولارين اوستونده دولانير دونيا
عدالتي گوزل اجرا ايتديلر
)حاتمي) ياز دوز انسانلار سوزوني
يايدير بوتون انسانلارين ايچينه
بلكه بيرگون دوز انسانلار اوخيوب
انسان كيمي بيربيريله گئچينه
