شعر گودرز حاتمی به مناسبت هفته عفاف و حجاب
به گزارش خبرگزاری بسیج از کوثر، به مناسبت روز عفاف وحجاب
گوزل زینتدی انسانه عفیف وبا حجاب اولسون
حریم حرمت حقده گرک صاحب نقاب اولسون
حیا وعصمته دارا اولان کس اهل ناراولماز
دگول ممکون بئله انسان کی همزاد عقاب اولسون
اوکس کی آختارور فیض خداوندی تاپور هردم
مگرمغروربی عفّت کی آب اوسته حباب اولسون
نئلریازمیش اوقرآندا حجابه خاطیر ای انسان
اوخی ، یاز، منتشیر ایله ئوزی مینلرکتاب اولسون
حریم امن دور قرآن اونا چنگ توسّول ویر
گئدوب نا امنه باش ایمه سنه عین سراب اولسون
مسلمان سان واروندور گرامام ورهبردینون
اونا گئل اقتدا ایله مسیرون آفتاب اولسون
حیا وعصمتی گزسون حجاب وعفّت آختارسون
یاپوش دامان زهرادن سنه قوی ماهتاب اولسون
دانیشما واهی سوزلردن خرافاته فیکیر وئرمه
خیال ووهمه آلانما سنه تا منجلاب اولسون
حجاب وعفّتون اولسا طلا مثلی پاریلّارسان
طلانون ارزیشی چوخدوراگرزیر خلاب اولسون
بویوردی حضرت زهرا زنان عالمه سرور
حیا ارزنده زینت دورجهانی بیرخطاب اولسون
حیاوعصمتون خواهراولوب بیرگوهروالا
تلاش ایله بودونیاده سنه حفظ حجاب اولسون
حیا وعفّتین هرکیم رعایت ایتمسه بوردا
یانار نیرانه آخیرده اوهر عا لیجناب اولسون
بیزه ای (حاتمی) زهرا شفیع روز محشردور
خداوندا نظر ایله دعامیز مستجاب اولسون
