بوندان سورا سنین بو نیشان سیز مزارینی/ قالدی گله نشان وئره او جمکران آیی
به گزارش خبرگزاری بسیج از آذربایجان شرقی، علی شهودی از شاعران نامدار و برجسته آذربایجان شرقی شعری ترکی به مناسبت سالروز شهادت حضرت فاطمه(س) سرودند که با هم آن را زمزمه می کنیم؛
آخشامدیر، ایل؛ اوزاقلیق ایلی، آی: خزان آیی
چینینده بیر گونش آپاریر باغری قان آیی
داغلار باخیر یانیق - یانیق اولدوزلارآغناییر
یولدان چاتیبدیر آل گونشین ایمتحان آیی
تابوته تیکدی قلبینی غم غصه نین اوخی
تشییع ائدنده اول گئجه قدی کمان آیی
بیلمم نئجه یئتیشدی او ایتگین یئره گونش
تاپشیردی توپراقا سارالان ، مهریبان، آیی
یوخ بلکه ده سولار ال ا له وئردی قویلادی
نم هانسی گولده گول کیمی رنگی آتا ن آیی
گوردوم طبیعتین گوجو نو ائیله دیم یقین
گویده ن یئره گتیر مگ اولارمیش گومان ،آیی
یئل اوخشائیر :دایان ،گونشین آرخاسی دایان!!
ماوی گویونده گئج چیخیب آی تئز باتان آیی
ای عیصمتین عوصاره سی ای خلقتین گولو
ای گویلرین ایشیقلی یئری ، پارلایان آیی
خلق ایچره کیم ایشیقلیقا ایستر مثل چکه
باش قالدیرار سمایه وئرر تئز نیشان آیی
بوندان سورا سنین بو نیشان سیز مزارینی
قالدی گله نشان وئره او جمکران آیی
علی شهودی
