هر کسی الله ایسته سه عشقی سالار وجودینه
هر کسی الله ایسته سه عشقی سالار وجودینه
عشق خدا نفوذ ائدر روحینه تار و و پودینه
اوندا چاتار بلی بشر مرتبه ی شهودینه
رحمت ذات کبریا کامل اولار او بندیه
فیض شهادته چاتا شامل اولار او بندیه
ورطه ی امتحانیده کیمدی که روسفید اولار
زندگی سی سعید اولان ئولماقیدا سعید اولار
اوج تقربه چاتار مرتبه سی ،شهید اولار
خون شهید آخان زمان جامعیه امید اولار
خوش اونون حالینه گیدوب خدمت اوچون شهید اولار
خدمت اوچون شهید اولان حقله ائدر معامله
عمرینی وقف ائدر فقط راه حقه نه باطله
مظلوما نصرت ایلیر ظالمیلن مقابله
وئرمیشیدی بو رتبه نی ذات خدا رئیسیه
علت اودرو که خلق ائدور خیر دعا رئیسیه
اهل ولا او سیّدی شاهد با کرم سایوب
رهبر ذی حشم اونون آدینی محترم سایوب
محترمین وجودینی کشوره مغتنم سایوب
حیف اولا گردش زمان بیزدن او سیّدی آلوب
گیتدی اوزی ولی یولی امته یادگار قالوب
همسفریدی سیّده نچّه عزیز و محترم
حضرت آل هاشم و رحمتی وفا شیم
راس امور خارجه صاحب عزت و حشم
دوشدی دومانلی داغلارا سسلری بو عزیزلرین
یاندی اوت ایچره گل کیمی پیکری بو عزیزلرین
خدمت خلق اوچون بولار یاندیلا نار محنته
چاتدیلا فیض اعظمه تاپدیلا یول سعادته
آغلوری ایندی اهل دل بو شهدای خدمته
هر نقدر جهاندا وار رسم وفا بیز آغلاروخ
آدلارینی شهیدلرین حشره جا زنده ساخلاروخ
حق دی شهیدلر بلی مدحه نیاز یوخلاری
بونلاری داغدان آختاروب بیر گجه گرچه چوخلاری
یاد ائله بوردا ای قلم زینبی نیزه اوخلاری
وارد اولوب چوخور یره دخت علی مرتضا
سسلدی دور حسین منه وئرگیله سس دوشوم یولا
جسمون ایله حالا قالوب من سنه اَل وورانمورام
جبریله شامه عازمم بوردا داخی دورانمورام
عفو ایله گل جنازه وی تپراقا تاپشورانمورام
واردی یری بو سینه نی داغلیا زینبون حسین
عمری بویی گرک سنه آغلیا زینبون حسین
